Samarali reklamaning 3 siri

Men qulupnayni yaxshi ko’raman. Lekin, baliq oviga ketayotganimda chuvalchanglarni olaman. Chunki, baliqga qulupnay emas balki chuvalchanglar yoqadi.

Deyl Karnegi

Reklama sotib olayotganda obunachilarga «chuvalchang» o`rniga qulupnay taklif qilayotgan «omadli jentlmenlar» uchun alohida salom. Bugun sizlar bilan dolzarb muammo, «Samarali reklama sotib olish» mavzusida suhbat yuritamiz.

Aktiv bo’lmagan kanal

Samarali reklamaning 3 siri

Kanal auditoriyasi turga bo`linadi:

Samarali reklamaning 3 siri

Aktiv – Obunachilar postlarga layk bosishadi, ularga fikr bildirishadi va so`rovnomalarda ishtirok etishadi.

Passiv – Obunachilar postlarni shunchaki o`qib chiqib ketishadi. Bunday kanallarda qisqa, zerikarli yoki ko`p ucharydigan, unikal bo`lmagan(ko`chirma) yoki umuman real hayot uchun hech qanday ahamiyatga ega bo`lmagan postlar nashr qilinadi.

Aktiv kanallarning hammasi ham layoqatli auditoriyaga ega emas. Auditoriya layoqatli bo`lishi uchun uni unikal avtorlik kontenti bilan siylash kerak. Kanal avtoriga ishongan obunachilar u taklif qilgan har qanday reklamani hazm qilib yuborishadi.

Auditoriyasi passiv kanallarning obunachilar ko`p, postlar namoyishi o`rtacha lekin reklamaga nisbatan toqati bo`lmaydi. Shu sabab, bunday kanallarda reklama sotib olish arzon bo`lishi kerak.

Passiv auditoriyaga unikal kontentga ega bo`lmagan kanallar kiradi. Masalan: Prikollar, Memlar, Statuslar, Statusli rasmlar, oboylar.

Auditoriyani aniqlay olmaslik

Samarali reklamaning 3 siri

Reklama sotib olish jarayoni 3 qismga bo`linadi:

Auditoriyani to`g`ri aniqlash – > Reklama tayyorlash – > To`g`ri DONOR topish

(DONOR – siz reklama sotib olmoqchi bo`lgan kanal).

Masalan, ingliz tilini o`rgatadigan kanal obunachilari ko`p qismi : 18-30 yoshdagi odamlar. O`qiydi yoki o`qib turib ishlaydi. Oylik o`rtacha daromadi 1.500.000 so’m. 70% yigitlar. Tilga qiziqadi.

Bu ma`lumotlarni to`g`ri analiz qilgan holda, siz qaysi kanaldan reklama sotib olish kerakligini aniqlashingiz lozim. Shunchaki o`ylab ko`ring:

Tilga qiziqadigan talabalar ko`proq qaysi kanallarda vaqtlarini o`tkazishadi ?

Qisqacha layfhak: Ko`p hollarda sizning kanalingiz mavzusiga mos boshqa kanallardan reklama sotib olish ham yaxshi natija beradi. Chunki, siz tayyor yig`ilgan auditoriyani jalb qilasiz.

Agar shuncha ma`lumotdan keyin ham oshpazlikga aloqador kanallardan reklama sotib olsangiz, unda ming bor uzur. Ayb auditoriyada emas, sizning yelkangiz tepasida joylashgan sharsimon buyumda ekan.

«O`xshamagan» reklama

Samarali reklamaning 3 siri

Reklama tayyorlash 100% ijodiy jarayon. Uni tayyorlash qoidalari son mingta, lekin sizlar bilan eng ommaboplarini bo`lishamiz:

1. Yumoristik reklama tez yodda qoladi.

2. Reklama matnini esda qoladigan va qisqa qilish kerak

3. Auditoriyangiz muammolarini to`g`ri aniqlang. Sizga tegishli sohada ularni qanday muammolar qiynaydi va ulardan reklama matnida foydalananing.

Xulosa o’rnida…

Agar reklamangiz har safar sizga samara berishini hohlasangiz:

1. Kanalingiz auditoriyasi qaysi kanallarda vaqt o`tkazishini to`g`ri aniqlang.

2. Faqat aktiv kanallardan reklama sotib oling .

3. Reklama matni va formati ustida ishlashga erinmang. Auditoriyangiz muammolarini to`g`ri tahlil qiling va kanalingiz ularga yechim berishiga obunachilarni ishontiring.

4. Yuqoridagi qoidalarga tupuring va o`zingiz nimani to`g`ri deb bilsangiz, shu ishni qiling!. Chunki, har qanday qoida va chegaralar ijodiy ilhomni cheklab qo`yadi.(har doim ham bu maslahatga amal qilmang)

Manba: webology.uz

Check Also

Partition

Windows 10 tizimida fleshkani qismlarga bo’lish

Windows 10 1703 (Creators Update) versiyasidan boshlab, fleshkalarni qismlarga(раздель, partition) bo'lish mumkin. Bu nima degani sizning fleshkangiz vinchesterga o'xshab kompyuterda ikkita disk ko'rinishida namoyon bo'ladi. Demak, fleshkani R va S disk ko'rinishida bo'lamiz, R disk ko'rinishidagi diskka 10GB, S diskka qolgan hajmni beramiz. Fleshkani kompyuterga ulayimiz, misol uchun fleshka E disk deb namoyon bo'ldi(fleshka 32GB).

Fikr bildirish

Email manzilingiz chop etilmaydi. Majburiy bandlar * bilan belgilangan

CAPTCHA ImageChange Image