Posts in category: Telegram

Kanalingizda obunachilar soni 3000 tadan oshsa, kunlik postlar namoyishi 1800-2000 ga yaqin bo`lganda kanalda reklama sotishingiz mumkin.

Table of Contents

• Reklama qo`yish haqida maslahatlar:
• Reklama narxini qanday belgilasa bo`ladi ?
• Reklama beruvchilarni qayerdan izlasa bo`ladi ?
• PRAYS LIST TAYYORLANG!

Reklama qo`yish haqida maslahatlar:

• Pul topish ilinjida endigina jamlanayotgan auditoriyaga reklama sotib qo`yish. Bu auditoriyani cho`chitib yuboradi va obunachilarni yo`qotishga sabab bo`ladi.
• Sifatsiz va ko`chirma kontentlarni ulashish. Boshqa kanal va saytlardan o`g`irlangan kontentni obunachilar bilan ulashish
• Kanalga TEZ-TEZ reklama joylashtirish obunachilarni yo`qotishga sabab bo`ladi
• Tekshirilmagan maxsulotlar, moliyaviy piramidalar, mosheniklar kanali va behayo reklamalar(18+ reklamalar) joylashtirish. Avvalo bu xarom ish. Bundan boshqa sabablar ortiqachalik qiladi.
• Yolg`on reklamalar ulashish. Reklama matni , reklama qilinayotgan maxsulot yoki kanalga umuman aloqador bo`lmasligi. Masalan, hozirda ommalashgan : Biror qizni rasmi ostiga Tanishaman deb yozib qo`yishadi va kanalga ssilkani joylashadi. Lekin, u qiz tugul unga tegishli paypoq ham bu kanalda bo`lmaydi.

1xbet, mostbet, moliyaviy piramida, mosheniklar proektlarini reklama qilish. Obunachilar fikri sizniki bilan mos tushgani va sizga ishonganlari uchun kanalga a`zo bo`ladilar. Ularga bu xarom ishda sherik bo`lishni taklif qilish yaxshi ish bo`lmaydi.

Reklama narxini qanday belgilasa bo`ladi ?

Narx qoyishda aniq bir formula yo`q. Shu sababli, hozirda ishlab kelayotgan formuladan foydalanamiz.

Masalan: Kanalda obunachilar soni 5000 ta, kunlik postlar namoyishi 1500, kanal tematikasi biznes, kontent esa chet el portallaridan tarjima qilingan, unikal lekin avtorlik emas.

Narx = (Postingiz kunlik namoyishi/ 1000 ) * 50000 * kanal tematikasi

Kanal ochish jarayonida nisha tanladik va tematika kanaldan ishlaydigan pulingizga to`g`ridan to`g`ri ta`sir qiladi degan edik.

Agar sizning tematikangiz omma uchun qiziq bo`lsa, auditoriyangiz to`lash qobiliyatiga ega katta odamlar bo`lsa, formuladagi tematikaga 0.7 dan 1 gacha baxo qo`ying .

 (1500 / 1000) * 50.000 * 0.7 = 52.500 yaxlitlar 50.000 qo`ysa bo`ladi. 

Agar ko`ngilochar yoki yumoristik yo`nalishda mediakanal bo`lib, kontent ko`chirma bo`lsa 0.01-0.03 qo`yasiz.

(25.000 / 1000) * 50.000 * 0.03 = 37.500 yaxlitlar 40.000 qo`ysa bo`ladi. 

Bu qiziq:

 To`lovlarni qabul qilish

Agar barcha postlar avtorlik posti bo`lsa unda narxni belgilashda muammo bo`lmaydi. Chunki, tematikaga o`zingiz hohlagan sonni qo`ya olasiz.

Reklama beruvchilarni qayerdan izlasa bo`ladi ?

Kanalingiz yaxshi, kontnet original va odamlar ularni repostlar qilishadi. Lekin reklama beruvchilar yo`q. Telegram kanalni esa daromad olish uchun ochgansiz. Qachon reklama berishar ekan deb kutib o`tirish ahmoqlik.

Agar bizga reklama taklifi bilan kelishmasa, biz reklama taklifi bilan ularni oldiga o`zimiz boramiz.

ONLINE REKLAMA

Tgstat.ru, uztelegram.com saytlariga kiring. Kanalingiz tematikasiga to`g`ri keladigan kanal adminlariga reklama berish taklifi bilan murojaat qiling.

Masalan, sizda avtotematikaga oid kanal bor. Sizning nishoningiz ostida barcha avtomobilga aloqador kanallar bo`lishi kerak. Ehtiyot qismlarini sotadigan onlayn do`konlar, avtomobilga aloqador postlar bilan ulashadigan kanallar, avtomedia kanallar va h.k.

Ularga o`z taklifingizni yuboring:

Assalomu alaykum. Vaqtingizni olganim uchun uzur. Men @kanalnomi adminiman. Ayni damda kanalimda maxsus aksiya asosida 15% chegirma bilan reklama postlarini joylashtirayapman. Kanalimda 5000 ta obunachi bor, kunlik namoyishlarim(prosmotrlarim) 3000 ta. Kanalim juda aktiv va sizning tematikangizga mos. Reklama joylashtirish narxi 50.000 so`m (15% aksiya asosida).

Agar taklifim sizga ma`qul kelgan bo`lsa, javobingizni kutaman. Rahmat.

Shunday postlarni 3-5 ta kanal adminlariga yuboring. Ulardan bittasi albatta taklifingizga rozi bo`ladi.

Bundan tashqari, telegramda turli birja kanallari bor. U yerda o`z kanalingiz statistikasi va reklama narxini yozasiz. Taklfinigizga qiziqgan adminlar siz bilan aloqaga chiqishadi.

Ulardan biri: https://t.me/CreatorsUzb

OLX.uz orqali

OLX.uz saytiga kiramiz va tematikamizga mos bo`limga o`tamiz(avtomobillar). OLX saytidan evtomobil ehityot qismlarini sotadigan do`konlar yoki firmalar telefon raqamini olamiz. Telegramga ularni raqamini saqlab, maxsulotlarini reklama qilib berishimiz mumkinligini taklifni beramiz.

OFFLINE REKLAMA

Offline reklamaga buyurtma olish uchun ozgina ko`proq mehnat qilish lozim. Chunki, ko`chada yurib tashkilotlarga o`z reklama xizmatimizni taklif qilamiz.

Bu qiziq:

 Nimadan boshlash kerak ?

Buning uchun kanalingizdagi obunachilarni ko`p qismi sizning hududingizga tegishli ekanligni bilishingiz lozim. Masalan, siz Toshkentda yashaysiz va siz reklama qilayotgan maxsulotlarni do`koni ham Toshkentda. Lekin, kanalingiz auditoriyasini ko`p qismi viloyatdan. Bunda sizga reklama bergan odam baraka topmaydi va siz bilan boshqa aloqa qilmaslikga harakat qiladi.

Agar obunachilaringizni ko`p qismi siz yashayotgan hududdan bo`lsa unda muammo bo`lmaydi.

Birinchi navbatda, kanalimiz statistikasi namoyish qilingan kichik vizitka chiqaramiz. Unda kanalimiz nomi, obunachilar va kunlik postlar namoyishi, auditoriya yoshi, jinsi va qaysi hududdan ekanligi haqida ma`lumotlarni beramiz.

P.S. Tez, oson va qo’shimcha bilimlarsiz bunday vizitkalarni Canva.com saytida tayyorlashingiz mumkin

PRAYS LIST TAYYORLANG!

Reklama narxlari, joylashtirish shartlari yozilgan prays list tayyorlab qo`ying. Reklamalarni 1 kunlik, 3 kunlik va 7 kunlik ko`rinishda tuzing.

KUNLIK PAKETLARDA REKLAMANI HAR KUNI EMAS, KUN ORA QO`YING. Shunda auditoriyangiz joniga tegib ketmaydi.

Kunlik paketlar 1 kunlik reklama narxidan arzon bo`lishi kerak.

Paketlarni quyidagi formula asosida tuzing:

(1 kunlik reklama narxi * kunlik paket) * 0.8 = Kunlik paket

0.8 qiymati bu 20% chegirma degani.

(50.000 so’m * 3 kun) * 0.8 = 120.000 so`m

Manba: webology.uz

Table of Contents

• Konkursni ishga tushirish bo`yicha qo`llanma
• Konkursga ishtirokchilar qabuli tugadi. Endi g`olibni qanday aniqlaymiz ?

Obunachilarni jalb qilishning yana bir usuli bu – kanalda pullik yoki sovg`ali konkurslarni o`tkazish.

Avvalo konkurs uchun pul yoki sovg`ani aniqlab oling va to`lov/yetkazib berish qaysi usulda bo`lishini bildirib qo`ying. Konkurs o`tkazilayotgan muddatni belgilang.

Agar kanalingizda aktiv odam ko`p bo`lsa, 1 kun qiling. Aks xolda 3-4 kun davom ettiring. Konkurs natijalari soat nechada tayyor bo`lishini ham oldindan hal qilib oling.

Ishtirokchilar qancha ko`p bo`lsa, kanal shuncha ommalashadi.

Konkurs postini tayyorlang. Unda albatta bo`lishi kerak bo`lgan atributlar:

1. Rasm – Rasm konkurs mohiyatiga to`g`ri kelsin va unda albatta o`ynalayotgan summa yozilsin.

2. Matn – Matnda Konkurs haqida qisqacha ma`lumot, ishtirok etish uchun murojaat kontaktlari yozilsin.

Konkursni ishga tushirish bo`yicha qo`llanma

• Kanalda konkurs bo`layotganini e`lon qiling.
• Konkursda ishtirok etish uchun obunachilarni sizga murojaat qilishlarini so`rang. Buning uchun konkurs shartlarida albatta aloqa uchun ma`lumot qoldirib keting.
• Konkursda qatnashish uchun: Kanalga obuna bo`lish va Konkurs e`lon qilingan postni 10 ta kontaktga yuborish kerak. Ishtirokchi ,har bir yuborgan odamlarini chatini skrinshot qilib sizga yuborishi kerak.
• Skrinshotlar qabul qilingandan so`ng, bloknot yoki excel faylga:

Ishtirokchi tartib raqami – Har bir ishtirokchini raqamlab chiqing.

Ishtirokchi Ismi sharifi – To`liq qilib yozing.

Ishtirokchi telefon raqami – Telefon raqamini oling.

• Bu ma`lumotlarni ishtirokchini o`ziga yuborib, uni konkursga qo`shilgani haqida habar bering.
• Agar konkurs 1 kundan oshiq bo`lsa, kun oxirida kanalda bugun qancha odam qo`shilgani haqida ma`lumot bering. Konkurs g`olibini aniqlash bo`yicha natijalarga necha kun qolgani haqida ham ma`lumot bering.

Konkursga ishtirokchilar qabuli tugadi. Endi g`olibni qanday aniqlaymiz ?

G`olibni aniqlashda bizga random.org sayti yordam beradi. Bu serviz siz ko`rsatgan sonlar oralig`idan tasodifiy bittasini tanlab beradi.

Bir narsani yodda tutish lozim: Obunachilar o`yin haqqoniyligiga doim shubha qilishadi. Shu sabab, screen recorder yoki boshqa ekrandagi jarayonni videotasvirga yozib oluvchi dastur orqali barchasini suratga olamiz.

Demak, bizda taxminan 100 ta ishtirokchi bor. Random.org saytiga kiramiz va True Random Number Generatorning MAX maydoniga 100 ni yozamiz va Generate ni bosamiz. Sayt 1 dan 100 gacha bo`lgan ixtiyoriy sonni chiqarib beradi.

Raqam Result so’zidan keyin son ko’rinishida chiqadi (rasmda 13 soni chiqdi). G`olib, aynan shu Tartib raqamga ega ishtirokchi bo`ladi.

Endi videotasvirni to`xtatib, shu videoni kanalga joylaymiz va g`olibni ismi familyasini yozib tabriklaymiz.

G`olib shaxs bilan bog`lanib, unga to`lovni amalga oshiramiz va konkurs qanchalik haqqoniyligiga dalil sifatida audio yoki matnli habar jo`natishini so`raymiz.

G`olibdan olingan dalillarni kanalga joylaymiz. Obunachilarga nisbatan layoqatni oshirdik.

To’lovlar to’lanishiga guvoh bo’lgan obunachi, keyingi safar albatta yana konkursda ishtirok etadi.

Konkurslarni tez-tez o’tqazish orqali kanalni yanada aktiv qilasiz. Lekin, judayam tez o’tkazish yangi obunachilar oqimini pasaytirib yuboradi. Shu sabab, tanaffuslar bilan konkurslarni o’tkazing.

Obunachilar jalb qilishning eng tez usuli bu – Reklama sotib olish. Siz hohlagan joydan reklama sotib olishingiz mumkin. Telegram kanallardan, ijtimoiy tarmoqlardagi blogerlardan yoki saytlardan. Asosiy maqsadimiz kamroq xarajat qilib, ko`proq obunachilarni jalb qilish.

Reklama sotib olish vaqtida eng asosiy qoidalarni bilmagan adminlar, byudjetni 70% ini sifatsiz kanallarga sarflaydilar. Shu sababli, xarajat qilishdan oldin bu maqolani yaxshilab o`qib chiqing.

Reklama sotib olish qoidalari

Reklama sotib olishda, doim siz bilan tematikasi o`xshash yoki yaqin kanallardan reklama sotib oling. Chunki, bu kanallarda auditoriya shakllangan va sizning kanalingizga qiziqish ehtimollari baland bo`ladi.

Reklama sotib olishdan avval kanalni yaxshilab analiz qiling. Nakrutka yoki botlar orqali namoyishlar ko`paytirilgan bo`lsa, umuman reklama sotib olmang.

Reklamani iloji boricha telegram kanallardan sotib olishga harakat qiling. Ikkinchi o`rinda Instagram turadi.

Birinchi reklamani sotib olish

Kanalingiz yangi va unda bir nechta post bor. Siz ishtiyoq bilan yangi obunachilarni jalb qilish istagida reklama sotib olishni boshlaysiz. Kanalingizga reklama orqali o`tgan obunachilar siz joylagan oxirgi 3-5 ta postga ko`zlari tushadi. Agar postlaringiz ularni qiziqtira olsa, lentani yuqorilab ketib, oldingi postlarni ham o`qib chiqishadi.

Aks xolda 2 ta yo`l bor:

•  Kanalni o`qishadi, obunachiga aylanishadi va keyingi 1 hafta davomida chiqib ketishadi
• Kanalni o`qishadi, qiziqishadi va uzoq muddatli obunachiga aylanishadi.

Bizning maqsadimiz, kanalga kirgan obunachini ushlab qolish.

Shuning uchun, reklama sotib olishdan oldin kanalga eng qiziqarli va e`tiborni tortadigan 5 — 7 ta postlarni joylash lozim. Agar kanalingiz media yoki yangiliklar tematikasida bo`lsa 15 tadan post yozish kerak.

Reklama sotib olingan kuni yangi postlarni yozmay turgan ma`qul. Keyingi kunni ham o`ylash lozim. Yangi obunachilar kanalingizga a`zo bo`lishdan afsuslanmasliklari uchun keyingi kundagi postlarni ham eng zo`rlarini joylang.

Bu qiziq:

 Reklama yasash sirlari

Reklama sotib olish jarayonida statistika uchun jurnal tuting. Unda qaysi kanaldan qancha narxga reklama sotib olganingiz va nechta yangi obunachi qo`shilganini yozib yuring.

Reklama sotib olish strategiyasi

Reklama sotib olishning ikki xil yo`li bor.

• Bir nechta mayda kanallardan optom reklama sotib olish
• Yirik(obunachilari ko`p) kanaldan sotib olish

Ikkisining ham o`ziga yarasha foydali tomonlari bor. Agar obunachilaringiz soni 1000 tadan kam bo`lsa, bir nechta mayda kanallardan reklama sotib olganingiz ma`qul.

Agar kanalingiz obunachilar 5-10 ming bo`lsa, unda yirik kanallar bilan o`ynash kerak. Bir nechta o`xshash tematikali kanallardan bir vaqtda reklama sotib olish juda yaxshi natija beradi. Faqat statistikani olib borish qiyinlashadi. Chunki, reklama 1 kunda bir nechta joydan reklama sotib olasiz.

Reklama qanchalik ish berdi ?

Afsuski, telegramda sizni reklamangizga nechta odam bosgani ko`rinmaydi. Shu sabab, statistikani o`zimiz tuzishimiz kerak.

Bizga kerak bo`ladigan ko`rsatkichlar:

• Reklama postingiz namoyishlari
• Kanalingizga yangi kelgan obunachilari
• Kanalga yozgan oxirgi postingiz namoyishlari.

Deylik, biz reklamani 24-dekabrda sotib oldik va u kanalda soat 10:00 da chiqadi.

Kanalimizda 100 ta obunachi bor va kunlik postlar namoyishi o`rtachasi 65 ta. Reklama sotib olgandan so`ng, kanalga yangi post yuklamay turamiz.

Reklamamiz ishga tushdi va 24 soat uchida 25-dekabr soat 10:00 gacha :

• Yangi 30 ta obunachi qo`shildi
• Kanalga joylangan oxirgi postning namoyishi 180 ta
• Reklama postingizni 800 ta odam ko`rgan.
• Reklama sotib olgan kanalingizda 2000 ta obunachi bo`lgan.

Endi xulosa qilamiz:

Oxirgi postingiz – o`rtacha postlaringiz namoyishi = 180 – 65 = 115 ta yangi namoyish. Demak, reklama postingizni 800 ta odam ko`rganu, unga 115 ta odam bosib ko`rgan.

Kanalingizga kirgan 115 ta odamdan 30 tasi obunachiga aylangan. 

Agar yangi namoyishlar (115ta) reklama postingiz namoyishlari (800 ta) ga nisbatan judayam past bo`lsa:

• Reklama buyurtma bergan kanalingiz aktiv emas
• Reklama postingiz sifatli emas va u yetarlicha obunachilarni jalb qila olmagan.
• Sizga tematikasi yaqin bo`lmagan kanaldan reklama sotib olgansiz va u kanal auditoriyasiga to`g`ri kelmagan.

Agar yangi namoyishlar (115 ta) bo`lib, kanalingizga kirgan yangi obunachilar (30 ta) kam bo`lsa:

• Kanalingiz yangi obunachilar uchun qiziq emas
• Reklama postingiz kanal mavzusiga to`g`ri kelmagan. Obunachilar aldangan

Eng qizig`i, reklama sotib olgan kanalingizda 5000 ta odam, lekin reklama postingizni 1000 ta odam ko`rgan bo`lsa, unda siz nakrutka qilingan kanaldan reklama sotib olgan bo`lasiz.

Reklama sotib oling va natijani yuqoridagi xulosalarga solishtirib ko`ring. 

Manba: webology.uz

Reklama matnini yasashdan oldin quyidagi savollarga javob bering:

• Kanalingizni nima haqida ?
• Kanalingizdagi ma`lumot qaysi muammoga yechim beradi ?
• Nega obunachilar AYNAN sizni kanalingizga a`zo bo`lishi kerak ?

Quyidagi uch savolga javob berish orqali reklama matnidagi kalit so`zlarini (Kanalingiz maqsadi, muammolarga yechib bera olishi va raqobatdoshlaringizdan ustun tarafingiz) belgilab beradi.

Bu kalit so`zlarni aniqlab olish – reklama matnini yasash jarayonini 2 barobar oshiradi.

Endi reklama turlariga kelsak. Reklama turlari judayam ko`p, lekin vaqt o`tishi bilan eng samaralilari tirik qoladi. Quyida sizlarga samarasi nisbatan yuqori bo`lgan reklama yasash texnikalarini misol qilaman.

Reklama matnida nimalar bo`lishi kerak ?

Reklama matnida doim sizni kanalingiz sohasiga tegishli muammolarni yozish kerak. Hammasini emas, eng muhim 2-3 tasini. Keyin kanalingiz bu muammolarni qanday barham berishi haqida yozing. Muammo bor edi, siz unga yechim berdingiz.

Lekin, bunday muammolarni yechish bilan boshqa odamlar ham shug`ullanadi ya`ni sizni raqobatdoshlaringiz. Sizni ulardan qaysi sifatlaringiz bilan ajralib turishingizni yozing.

Obunachilarga, sizga yo`q deya olmaydigan taklifni bering!

Nativ reklama

Bu reklamani ko`pincha Jonli reklama ham deyishadi. Chunki bunda, reklama yashirin tarzda maqola yoki matn ostiga berkitilgan bo`ladi. Bu to`g`ridan to`g`ri reklama emas, balki maslahat ko`rinishida bo`ladi.

Ayni damda doktorlar shu reklama turidan foydalanib, bemorlarni turli klinikalarga yuborishadi yoki dorilarni harid qildirishadi. Bir eslab ko`ring: Do`mirobotda yaxshi MRT bor, hozir faqat shular sifatli tashxis qilishadi desa, AMERIKADA bo`lsangiz ham Do`mbirobotga uchib borasiz.

Nega ? Chunki doktor siz uchun ishonchli odam va uning har bir so`zi siz uchun muhim ma`lumot.

Huddi shunday, siz reklama sotib olmoqchi bo`lgan admin ham o`z obunachilari uchun ishonchli odam va uning tavsiyalariga ko`pchilik amal qiladi.

Aytgancha, muhim ma`lumotlardan biri – Reklama sotib olayotgan kanalingiz mavzusi siznikiga yaqin bo`lishi kerak. Huddi: doktorlar dorini, modellar kosmetikani, ustalar drellarni reklama qilganidek. Yana oshpazdan kompyuterni reklama qilishni so`ramang (hazil).

Peshonaga reklama

Eng samarasiz reklama bo`lib, bunday reklamani ko`pincha obunachilari judayam ko`p lekin layoqatsiz mediakanallardan buyurtma qilinadi. Bu huddi yirtiq to`r bilan baliq tutishga o`xshaydi. To`rga tushgan baliqlarni hammasi ham qochib keta olmaganidek, obunachilarni bir qismi baribir kanalingizga kiradi. Lekin juda kam. Ko`pincha bu reklamalarda kanal mavzusiga aloqador bo`lmagan matnlar ishlatiladi.

Maqsad nimadir qilib, obunachini reklamaga jalb qilish va kanalga kirishga majbur qilish. Bunday reklamalarni nafaqat yasash balki o`zingizni kanalingizda qo`yishni maslahat bermayman.

Storitelling – hikoya aytish orqali reklama

Hikoyalar inson ongiga mo`jizaviy tarzda ta`sir qiladi. Yoshligimizda ertaklar, maktabda ibratli hikoyalar, aqlimizni taniganda hadislar va qissalarni eshitamiz. Hikoyalarning xulosasi biz uchun doim qiziq bo`lgan. Shuni bilgan holda, qisqa hikoyachalar yordamida reklama tuzish mumkin. Quyida siz uchun maxsus formulalar bor. Ular sizga qo`shimcha ilhom beradi:

Uch akt reklamasi

Kirish qismi – Sahna va personajlarni tanishtiring. Istagan makon va shaxsni tanlang.

Muammo – Muammo paydo bo`ldi, uni yoritamiz. Unga barham bermasa qanday salbiy natijalarga olib kelishini tushuntiring.

Yechim – Muammoga yechim berildi. Kanalingiz bu muammolarga qanday barham berishi haqida yozing.

Alisher bloger bo`lishga judayam qiziqadi. Bu sohaga oid maqola va adabiyotlar kam lekin Alisher nimadan boshlashni biladi. Bloger.uz sayti bilan blogerlik sohasidagi tajribangizni oshiring!

Oldin – Keyin – Kop`rik

Sohangizga tegishli muammoni va uni yechimini ayting. Keyin shu natijaga qanday erishish haqida yozing.

Dunyodagi barcha yangiliklarni kuzatish ko`p vaqt talab qiladi. Eng muhim va dolzarb maqolalardan habardor bo`lish uchun 5 daqiqa sarflasangizchi ? @kun.uz bilan eng muhim yangiliklar markazida bo`ling.

Muammo – Muammoni yoritish – Yechim

Muammo bilan tanishtirganingizdan so`ng, uni bo`rttirish va shu muammoni hal qilmasa bo`lmasligini ko`rsating. Keyin yechim bering.

Biznes – bu ajoyib. Lekin soliqlar va qonundagi o`zgarishlardan behabar qolish siz uchun katta jarimaga aylanishi mumkin. Soliqlar.uz – sizga soliq sohasidagi eng aktual yangiliklardan habardor qiladi.

Saymonning oltin aylanasi

Nega – Nega kanal ochilgan, uning maqsadi nima ?

Qanday – U o`z nomini oqlash uchun qanday yo`l tutayapti ?

Nima – Maqsadga erishish uchun nima qilayapti ?

@avtoelon kanali orqali shu oyda 100 dan oshiq mashinalar sotildi. Biz kanalimizni yanada kengaytirib, sotuvchi va oluvchilarni bir birini topishga yordam bermoqchimiz. Buning uchun nafaqat telegram balki instagram va facebookda ham o`z sahifalarimizga egamiz.

@avtoelon – biz bilan sotish oson.

Deyl Karnegi formulasi

Muammoli holat – Yechim topish uchun harakat – Natija

Sohangizda uchragan, o`z tajribangizga tegishli muammoni keltiring. Muammoni yechish uchun qilgan harakatlaringiz va erishgan natijangiz haqida yozing.

Uyimni sotish maqsadida turli agentliklar va kanallarga murojaat qildim. Internetdan foyda yo`q deb o`ylaganimda, UY sotaman kanaliga duch keldim. Uy sotaman adminlariga murojaat qildim va 10 daqiqa ichida e`lonim kanalga joylandi va tezda sotildi. Yangi uyni ham shu kanal orqali topdim.

Endi uy oldi sotdisi bilan bog`liq muammolarim yo`q.

Yulduz – Arqon – Ilgak

Bu formula orqali oldin e`tiborni o`zimizga qaratamiz. Bu e`tiborni hohishga va unga erishish uchun qilinadigan harakatga aylantiramiz.

Atigi 1 oy ichida Telegramda o`z biznesingizga ega bo`ling. Sizga 100 dan ortiq eng sifatli va aktual maqolalar, formulalar va mutaxassislar yordam beradi. Bu hali hammasi emas, siz maxsus guruhga a`zo bo`lasiz va hamfikrlaringiz bilan yangi g`oyalarga qanot berasiz. Joylarni band qilishga Shoshiling va 15% chegirmaga ega bo`ling.

Bu formulalar sizga yangi va ajoyib reklamalar yasashda yordam beradi degan umiddaman. Sinab ko’rishdan cho’chimang. Doim olg’a intiling va yangi shedevrlarni yarating.

Telegram adminlari uchun eng foydali foydali servizlardan biri bu tgstat.ru. Mazkur sayt orqali siz o`zingizga kerakli kanallarni statistikasini topishingiz mumkin.

Keling misol tariqasida bir kanalni analiz qilamiz:

TGstat.ru saytiga kiring va Узбекистан bo`limiga kiring.

Kataloglar bo`limidan o`zingizga kerakli bo`limni tanlab, kanallarni o`rganishni boshlaymiz. Masalan – Новости и СМИ(Yangiliklar va OAV). Statistika uchun davrni – Позавчера (O`tgan kuni) ni tanlaymiz.

Kanallarni analiz qilishdan oldin, TGstatning ko`rsatkichlari bilan tanishib chiqsak:

Подписчики – Kanalga a`zo bo`lgan obunachilarning soni

Прирост – Biz tangalan davr(O`tgan kuni) dagi kanalga qo`shilgan yangi obunachilar soni

Суммарныйохват – Belgilangan davrdagi barcha postlarning umumiy namoyishlari soni.

Охват 1 поста – 1 ta postning o`rtacha qamrovi (namoyishlari)

ERR % — Auditoriyaning kanalning postlariga bo`lgan qiziqishlari o`lchovi % da.

ERR = 1 ta post qamrovi / obunachilar soni * 100 formulasi orqali hisoblanadi.

ИЦ – Mashxurlik indeksi. Mazkur kanalning boshqa kanallarda qanchalik eslatilgani hisobi.

Yuqoridagi ko`rsatkichlar bizga kanal haqida deyarli to`liq ma`lumot beradi. Ularni to`g`ri analiz qilish orqali samarali reklama sotib olishni o`rganamiz.

Misol uchun Kun.uz kanalini analiz qilamiz:

Rasmdagi diagramma kanalning 7 kun ichidagi obunachilar oqimini namoyish etadi.

Kun.uz da so`nggi haftada o`sish 770.000 tadan 800.000 ga ya`ni 30.000 ta obunachiga oshgan.

O`sish 25-oktabrdan boshlab kuzatilgan. Ya`ni shu davr ichida kanal yangi obunachilarni jalb qilishni boshlagan (reklama yoki konkurs orqali)

Lekin, haftalik postlarning namoyishlari soni 9.300.000 dan 9.100.000 ta ya`ni 200.000 ga kamaygan.

Mantiqan o`ylab qarasak – kanalga yangi obunachilar qo`shilganu lekin namoyishlar ko’paymagan. Yangi obunachilar ichida botlar ham bor deyish mumkin.

Diagrammadagi qizil rangli ustunlar – Kanalning postlari

Yashil ustunlar–Boshqa kanallardan repost qilingan postlar

Sifatli kanalda repostlar judayam kam bo`ladi. Boshqa postlarni kanalda repost qilish orqali obunachilarni to`plash katta xato va unday kanallardan reklama sotib olishni maslahat bermayman. Iloji boricha yashil ustunchalar kam bo`lsin.

Mashxurlik darajasi yodingizdami (ИЦ) . Yuqoridagi rasm uning qanday hisoblanishini ko`rsatadi.

Qizil ustunlar – Kun.uz kanalidagi postlar qanchasi repost qilinganini bildiriadi

Yashil ustunlar – Kun.uz kanali boshqa kanallarda necha marotaba eslatilganini bildiradi.

Eslatilgan deganda, Kun.uz kanalining ssilkasi boshqa kanalning postlarida ishtirok etgani (ИЦ) nazarda tutiladi.

Asosan, reklama sotib olganda, repostlar ko’p bo’lganda bu ko`rsatkich (ИЦ) ko`tariladi. Chunki, reklama postida kun.uz kanaliga to`g`ridan to`g`ri ssilka qo`yiladi.

Kun.uz kanalidagi postlarini qaysi kanallar repost qilgani yoki Kun.uz qaysi kanallardan reklama sotib olganligi quyidagi rasmda ko`rishingiz mumkin.

O`ng tarafdagi ssilkalarga e`tibor bering:

Репостнул запись – Kanaldan postni repost qilgani

Упомянул канал – Reklama sotib olganini bildiradi.

Bu ssilkalarga bosib, kun.uzni qaysi kanallar repost qilgani va qaysi kanallardan reklama sotib olganini bilishingiz mumkin.

Bu ko`rsatkich — Kun.uz kanalida qo`yilgan REKLAMA postlari ya`ni Daromadni bildiradi. Kanalda qo`yilgan har bir reklama pullik ekanini hisobga olsak, kanalda 25-oktabrdan 28-oktabrgacha 6 ta reklama posti qo`yilgan.

Kanal analizi uchun xulosa

Kanalni analiz qilish uchun bizga bu ko`rsatkichlarni hammasi kerak emas. Diagrammalardan: obunachilar o`sgan vaqtni qarang va postlarning namoyishlari diagrammasiga nazar soling:

• Agar obunachilar soni ko`paysayu, namoyishlar ko`paymasa yoki tushib ketsa – Kanal usha kuni nakrutka qilingan bo`ladi.
• Agar Obunachilar va Namoyishlar ko`paygan bo`lsa – Kanal usha kuni reklama sotib olgan yoki VP,MEGA larda qatnashgan bo`ladi.

MEGA – 10 dan oshiq turli mavzulardagi kanallar bitta postga o’z kanal ssilkalarini yozib, o`z kanallarida ulashadilar. Bu usul orqali tekinga yangi obunachilarni qabul qilish mumkin. Lekin buning uchun har kuni megada qatnashish kerak. Har kuni kanalga megani reklamasini qo’yish eski obunachilarni yo’qotishga sabab bo’ladi.

Agar kanal VP yoki MEGA larda qatnashgan bo’lsa, u kanaldan reklama sotib olishni maslahat bermayman. Chunki auditoriyasi aralash va maqsadsiz bo’ladi.

• ERR ko`rsatkichiga e`tibor bering u 60% dan baland bo`lsin.
• Kanalga qilingan repostlar kam bo`lishi kerak. Ya`ni barcha postlar kanalning adminiga tegishli bo`lishi lozim.

Kanal 1 kunda 1 tadan oshiq reklama posti qo`ymasligi lozim. Chunki, qancha ko`p reklama qo`yilsa, uning obunachilari shunchalik bezillagan bo`ladi. Bunday obunachilar uchun reklama yoqimsiz postdek tuyuladi va ularni o`tqazib yuborishligi mumkin.

Samarali reklama sotib olish siri

Reklamani kanalingiz mavzusiga o’xshash kanallardan sotib oling. Chunki, bunday kanalda tayyor auditoriya bo’ladi.

Agar siz Texnologiya haqida blog ochgan bo’lsangiz, oshpaslik yoki ayollarga tegishli kanalda reklama sotib olmaysizku. Aksincha, kompyuter, dasturlar yoki dasturchilarga aloqador kanallardan reklama sotib olasiz.

Sizning kanalingizga qanday odamlar qiziqadi ?

Ular qanday kanallarda vaqt o’tqazishadi ?

Shu savollarga javob bo’la oladigan kanallardan reklama sotib oling.

Kanallarni telegram qidiruv tizimi yoki http://TGstat.ru, http://uztelegram.com, https://tgrm.su topishingiz mumkin.

Reklama postlari kanalda 24 soat turadi. Shu sababli, sizga eng kerakli ma`lumotlardan biri bu – 1 ta post 24 soat ichida qancha namoyish olishi va kanal obunachilari soni kerak. Kerakli kanalni TGstat orqali analiz qilganingizdan so`ng, kanalni o`ziga kiring.

Men maqolani 29 oktabr 12:00 da yozdim. Demak, menga 28-oktabr 12:00 da yoki shu soatga yaqinroq vaqtdagi kanalga joylangan postni namoyishlari sonini bilishim kerak.

Demak, men 28-oktabrda reklama buyurtma berganimda reklama postnimni 180.800 ta odam ko`rgan bo`lar edi. 

Bozorni o`rganing!

Kanalda reklama sotib olish uchun uning infosiga kiring. Ko`pincha adminlar reklama yoki hamkorlik uchun deb o`z loginlarini yozib qo`yishadi. Yoki, prays list yozilgan kanalga ssilka qo`yishadi. Unga kirib, admin bilan bog`laning va narxini surishtiring. Agar narxdan o’tib berish ilojisi bo’lsa, uni ham so’rash lozim.

Bitta kanalni ko`rib, undan reklama sotib olishga shoshilmang.

Reklama sotib olish uchun bir necha kanallarni kuzating va ularni statistikalarini alohida faylga/daftarga yozib qo`ying. Masalan men Excel dasturida jadval qilib qo`yganman. Shu orqali kanallarni bir biriga solishtirib, kam harajatga ko`p obunachili kanalda reklama sotib olaman.

Shu yo`sinda, o`zingiz uchun kerakli kanallarni tanlab oling, narxlarini surishtiring va jadvalga yozib chiqing. Qaysi kanaldan reklama sotib olish sizga yaqqol ko`rinadi. Bizning holatda UZ-MDK.

Obunachilar sizga qanchaga aylandi ?

Reklama sotib olishdan oldin, kanalda qancha obunachi borligini yozib qo`ying. Reklamadan keyin, qancha yangi obunachilar qo`shilganini quyidagi formula orqali hisoblanadi.

O`sish = Reklamadan oldingi obunachilar – Reklamadan keyingi obunachilar

1 ta obunachi narxi = Reklamaga tikilgan pul / O`sish

Masalan:

Reklamaga 2.000.000 tikildi va sizga 500 ta yangi obunachi keldi. 2.000.000 / 500 = 4.000 so`m

1 ta obunachi sizga 4.000 so`mdan aylandi.

Jurnal yuriting!

Yuqorida reklama sotib olish uchun nomzod kanallar ro`yhatini tuzgan edik. Endi esa reklama sotib olganimizdan keyin natijalarni yozib qo`yish uchun yana ro`yhat tuzamiz va bu ro`yhatni Jurnal deb atasak ham bo`ladi.

Jurnal yuritish orqali siz qaysi reklama postingniz samaraliroq va qaysi kanaldan reklama sotib olish yaxshiroq ekanini bilishga yordam beradi.

Har safar reklama sotib olganingizdan so`ng quyidagi ma`lumotlarni yon daftarcha/excel yoki eslatma ”заметка” ga yozib qo`ying:

• Kanal nomi
• Reklama narxi
• Qancha obunachi kelgani
• Obunachilar necha puldan aylangani
• Qaysi reklama postini ishlatganingiz haqida

Bir necha reklama haridlaridan keyin sizda analitika uchun ma`lumotlar to`planadi va siz eng yaxshi reklama posti va obunachilaringiz uchun o`rtacha narxni belgilab olasiz.

Manba: webology.uz

Obunachisi ko`p kanalda reklama sotib olish – bizga ham ko`p obunachilar oqimi keladi degani emas. Reklama yasash va sotib olishdan oldin kelinglar telegramda qanday kanallar borligi haqida gaplashamiz.

Aktiv kanallar – Obunachilari soni va postlarining kunlik namoyishlari soni bir biriga yaqinroq bo`lgan kanallar. Deylik, obunachisi 10.000 ta, 1 ta posti 24 soat ichida 5000-6000 ta namoyish yig`sa bu judayam aktiv kanal hisoblanadi.

Aktivlik yana postlar ostiga qo`yilgan like tugmachalari orqali ham aniqlanadi. Agar kanalga yukalanayotgan postlar haqiqatda obunachilarga qiziq bo`lsa, ular bu fikrlarini kanal ostidagi tugmachalar orqali bildirishadi.

Asosan avtorlik postlari yuklanadigan kanallar aktiv hisoblanadi. Chunki, original kontent yaratishga harakat qilgan har qanday avtor unga berilgan to’g’ri bahoga qiziqadi. Botlar va nakrutka qilingan obunachilar esa ovoz bera olmaydilar.

Avtorlik posti – Avtorning shaxsiy fikri va ijodi asosida yozilgan post. U hech qayerdan ko`chirilmagan bo`lishi kerak. Aynan shu sabab, har bir post obunachilar oldida muhokama qilinadi.

Layoqatli auditoriya – Postlarga nisbatan reaksiyalar ko`pmi, bilingki kanal avtori auditoriyasini biron harakatga unday oladi. O`z postlari bilan layk tugmachasini bosgan odam hech qanday qiyinchiliksiz reklama postidagi tugmachani ham bosadi. Shu sabab, bunday kanallardan reklama sotib olish judayam samarali. Faqat bitta minus tomoni – aktiv kanallarda reklama narxi passiv kanalga nisbatan ancha yuqori bo`ladi.

PASSIV kanallar

Passiv kanallar – Postlari avtorlik emas balki ko`chirma materiallardan iborat bo`lgan kanallar. Masalan: rasmlar, video, GIF yoki boshqa portallardan ko`chirib qo`yilgan maqolalarni o`z ichiga olgan kanallar. Postlari namoyishlari va kanal obunachilari soni o`rtasida katta farq bo`ladi.

Ko`pincha passiv kanallar nakrutka va judayam ko`p VP(reklama almashish) evaziga rivojlanadi.

Bunday kanallarda postlarga nisbatan obunachilarni reaksiyalari past bo`ladi. Chunki, obunachilar kirdim-ko`rdim-chiqdim tartibida o`zlarini tutishadi.

Passiv kanal auditoriyasi layoqatsiz bo`ladi.

Aslida telegram kanal – shaxsiy blog sifatida rivojlanishi kerak edi. Ya`ni, o`z soxasini ustalari tajribalari bilan kanallar orqali ulashishi ko`zda tutilgandi. Keyinchalik telegram yana bir Ommaviy Axborot vositasiga aylanib qoldi. Endilikda istalgan foydalanuvchi kanal ochib, unga o`zi hohlagan ma`lumotni yuklab obunachi bilan ulashishi mumkin.

Kanalga yuklanayotgan ma`lumotlarning avtori haqiqatda adminmi yoki bu materiallar boshqa tarmoqlardan ko`chirib qo`yilayaptimi tekshirishning iloji yo`q. Shu sabab, kanal adminini yuklanayotgan materiallar sabab javobgarlikga tortilmaydi.

Passiv kanallarning yagona plyus taraflaridan – ularning soni ko`p. Passiv kanallar telegram olamida juda ko`p. Eng asosiysi reklama narxi – aktiv kanalnikiga nisbatan ancha past bo`ladi.

Passiv kanalning 1 kunlik posti namoyishi katta bo’lsa, unda reklama bersangiz kuyib qolish ehtimolingiz past bo’ladi.

Yuqorida keltirgan 51.000 obunachiga ega kanalda reklama berish 2.000.000 so`m.

700.000 ta obunachiga ega Kanallani Dodasi da esa reklama berish narxi 1.000.000 so`m.

Xulosa

Kanalga avtorlik original postlarni yozish yo’lini tanlab adashmaysiz. Sizning ajoyib tajribangiz va shaxsiy fikringiz ko’pchilik odamlarga foydali bo’ladi deb o’ylayman.

Kanal ochildi, ma`lumotlar sekin asta joylanmoqda. Statistika ko`rsatadiki, ish boshlagan vaqtda sizda ishtiyoq, qiziqish va motivatsiya darajasi yuqori bo`ladi. Siz o`zingizni cheksiz ma`lumotlar bazasidek xis qilasiz. Lekin, afsuski 1-2 oydan so`ng, kanalga joylash uchun yangi ma`lumot qidirib qolasiz.

Sizda kontent tanqisligi yuz beradi. Bu yetishmovchilikga barham bermasak, kanal sekin asta obunachilarini yo`qotadi va yopilib ketishi ham mumkin.

Cheksiz kontent manbaini qayerdan olsa bo`ladi ?

• Youtube.com – Eng mashxur videoxostingdan kanalingiz tematikasiga mos videolarni toping, ularni tomosha qiling va shu asosida yangi maqola yozing. Agar videolarni ulashsangiz, youtube dangi uzun videolarni bo`laklarga bo`lib kanalga joylang.
• Tematik forumlar – Google dan kanalingiz tematikasiga mos forumlarni toping va sizni soxangizda ayni damda muhokama bo`layotgan mavzuni topib uni yoriting.
• Ijtimoiy tarmoqlar – Ijtimoiy tarmoqlardan kanalingiz tematikasiga mos sahifa/guruhlar ni toping va u yerdan kanalga yangi kontent uchun maqola yoki mavzu topishga harakat qiling. Tematik sahifalarni quyidagi servizlar orqali topishingiz mumkin:

Vkontakte — https://allsocial.ru/communities/

Telegram — https://allsocial.ru/telegram/channels/

YandexZEN — https://www.t30p.ru/Zen.aspx

Instagram — https://www.t30p.ru/Instagram.aspx

Youtube — https://www.t30p.ru/y

Facebook — https://www.t30p.ru/FaceBook.aspx

Twittier — https://www.t30p.ru/Twitter.aspx

• Savol javob saytlari – Ko’pincha savol javob servizlarida ko’pchilikni qiziqtirayotgan mavzularda savollar beriladi. Mazkur servizlarda sizga tegishli va ko`p ko`rilgan mavzularni olib yoriting. Shu usul orqali siz trendga moslashib olishingiz ham mumkin.
• savollar.islom.uz
• qnbuz.net
• otvet.mail.ru
• thequestion.ru
• Tarjima – Agar rus yoki ingliz tilini bilsangiz, chet el saytlaridan ma`lumotlarni tarjima qilishingiz mumkin.
• Rerayt – Boshqa kanallarda siz obunachilaringiz bilan bo`lishishni hohlagan qiziqarli maqola chiqib qoldi lekin uni ko`chirib qo`yish obro`ingizga to`g`ri kelmaydimi ? Maqolani o`qib chiqing va kichik o`zgartirishlar orqali unikal maqola yarating.
• Yangiliklarni unutmang – Yangi maqola uchun g`oyani yangiliklar portallaridan olishingiz mumkin.

Kun.uz va Daryo.uz saytlari

Mavzularni tekshirish

Yangi kontent uchun mavzu topish u omadli bo`ladi degani emas. Kontent talab va taklif tizimi asosda ishlaydi. Shu sabab, siz topgan yangi mavzuni qanchalik ommabop ekanini tekshirish lozim. Buning uchun mashxur 2 ta serviz bor:

Google trendlar orqali — https://trends.google.com/trends/?geo=UZ

Yandex Wordstat orqali — https://wordstat.yandex.ru

Yuqoridagi saytlarga yangi maqolangizga tegishli so`zlar yoki to`liq mavzu nomini yozing. Trendlar va Wordstat bu so`rovga 1 oy davomida qancha obunachilar murojaat qilishganini ko`rsatadi.

Manba: webology.uz

Telegramga usernamega buyurtma berish juda ham oddiy narsa bo’lib, sizda birinchi navbatda username tanlash kerak bo’ladi. Bu borada esa sizga hali ham o’qimagan bo’lsangiz «Telegram kanalga yaxshi nom tanlash» nomli maqolani o’qib chiqishni tavsiya etaman. O’qib chiqqan bo’lsangiz siz yaxshi nom tanladingiz lekin siz tanlagan nom telegram ijtimoiy tarmog’iga boshqalar tomonidan band qilingan. Yaxshi username tanlashga tanlashganku ammo keyingi bosqichlarga o’ta olishmagan yani kanlani yuritishmagan kanal ochilganicha qolib ketgan.

Siz ushbu usernameni olishingizning ikki usuli bo’lib, sizda biri o’xshamasa ikkinchisi o’xshashi yoki umuman o’xshamasligi ham mumkin. Demak yo’lar bilan tanishing.

1. Usernameni Sotib olish
2. Telegramga username buyurtma berish

Men choynak usernamesini olishga harakat qildim. Avval birinchi yo’lni qilib ko’rmoqchi bo’dim, afsuski o’xshamadi chunki bu username band qilgan telegram foydalanuvchisi o’z aloqa ma’lumotlarini qoldirmagan. Men sotib olishga tayyor bo’lsam ham ular bilan bog’lana olmayman. Agar siz yanxshi username band qilgan bo’lsangiz lekin undan foydalanmayotgan bo’lsangiz (avvalo undan foydalaning yaxshi username yaxshi kanal degani albatta kanal to’g’ri va nomiga mos tarizda yuritilsa albatta) kanal infosida shaxsiy telegram usernameingini qoldiring. Agar menga o’xshagan sotib olishga tayyor bo’lgan insonlar siz bilan bog’lanishlar oson bo’ladi.

Men choynak usernamesini olishga harakat qiligan birinchi yo’lim ish bermadi. Men ikkinchi va eng yaxshi yo’lni sinab ko’rmoqchi bo’ldim va men telegramdagi Username_bot ga murojat qildim.

Men ularga choynak usernamesini berishlarini so’radim ular menga siz instagram, facebook, twitterlarda ushbu usernamening egasimisiz degan savol berdi. Men afsuski ushu usernamening hech bir ijtimoiy tarmog’iga egalik qilmayman deb yubordim. Ular ham menga javoban biz ham sizga yordam bera olmaymiz deya quydagi so’zlarni jonatdi.

Agar siz men sanab otgan ijtimoiy tarmoqdagi usernamelarga ham egalik qilsangiz sizga usernameni kimda bo’lishidan qatiy nazar sizga olib beradi.

Men buni sizga ishonch bilan aytayotganimning sababi ham bor chunki men boshqa foydalanuvchi nomi orqali buni sinab ko’rdim.

Men buni tafsilot usernamesi orqali sinab ko’rdim. Menga ular haqiqatgan ham boshqa tarmoqdagi usernamelar menga tegishli ekanligini tekshirish uchun menga maxsus matn beishdi man huddi o’sha matn – «This post is for Telegram. I want to get the username t.me/tafsilot» ushbu matni mendan ijtimoy tarmoqlarga post tariqasida joylashimni aytishdi. Men ular aytganiday qildim va ushbu matini joylashtirdim. So’ng ular mendan shu post havolasini so’rashdi men ularni ham birma bir jo’natdim.

Shundan so’ng esa menga ular kiting biz sizga tez orada habar beramiz va siz joylagan postlarni ochirib yubormang deya ogohlantirdi.

Oradan ikki kun o’tib username mening nomimga muafaqiyatli o’tkazilganligi haqida habar keldi. Men buni tekshirib ko’rdim haqiqatdan ham ular mening shaxsiy foydalanuvchi nomimga tafsilot usernamesini o’tkazib qo’yishibdi.

Xulosa o’rnida sizda usernameni boshqa tarmoqlarda ham ochganingiz maqul. Agar qachondir sizning usernamengini boshqalar olib qo’yish xafi ham bor shuni ham inobatga olib qo’ying.